Vieiros

A selección española de fútbol proclamouse campioa do mundo por vez primeira na súa historia, despois de derrotar por 1-0 aos Países Baixos na final, disputada no Soccer City de Johannesburgo (Suráfrica).

Nun encontro moi intenso, no que ambas as dúas seleccións tiveron boas oportunidades para marcar, o xogador do F.C Barcelona, Andrés Iniesta apuntouse o tanto da vitoria. Foi na segunda parte da prórroga, no minuto 116, despois de recibir un pase na área de Cesc Fábregas, cando todo facía pensar nunha resolución na quenda de penaltis.